السلام عليكم و رحمة الله و بركاته موقع لالة فاطمة لكل ما يهم المرأة العربية يقدم شهيوات عيد الاضحى المغربية التقليدية بالطريقة الصحراوية : الكرداس - القديد - الشكوة - لخليع شهيوات عيد الاضحى المغربية التقليدية بالطريقة الصحراوية : الكرداس - أول حاجة و أهم حاجة عندنا في عيد الأضحي و سر اللذة ديال الأطباق هو الخل البلدي ماشي الخل ديال الحوت ههههههه لا هذا خل بالأعشاب هو كانصايبووه نهار 2 من دي الحجة و ماكايتحلش حتى لنهار العيد : الخل البلدي الحنة وراق /الورد /السنبل /تارة /الريحان /الملحة الحية /الزعتر /لحية الشيخ /زغب لكبال التمر /الحامض تقريبا 2 دراهم من كل حاجة أنا غادة نساوبوو إن شاء الله و نصوروليكم كاندييروو نفس الكمية من كل حاجة في بيدو ديال 5 لتر و نعمرو عليهم الماء سخون شوية تتغطى بي الميكة و ألغلاقة و مايتحلش كيف جلت حتى لنهار العيد باش نخدموو بيه من بعد ما ندبحوو و نسالييو طريقتي باش نخويي المصران كانخود هاديك الشركة لي كايكوون مربوط بيها نعناع أو ربيع كانلوييها على المصران و نجر ماعرفتش واش الفكرة مفهومة من بعد كانحكهم بي الملح كتيرة و ياتغسلوو و ندييرهوم في شبكة يقطروو نكونو غسلنا الكرشة مزيان و كلشي نقي كاناخدوو شوية من كلشي باش نصاوبوو تقلية و الباقي كانصاوبوو بييه ألكرداس و هادي الطريقة طريقة تحضير الكرداس من شهيوات عيد الاضحى المغربية: الكرشة رية ألقرجوطة الشحمة كانشواحهوم طوال كيف باين في صورة كانديير ليهم ليقامة تومة الخل البلدي التحميرة الكمون البزار سكينجبيير الخارقوم الملح
ندووقووه مايكونش مالح حييت الخل فيه الملح صافي يتنشر و الكرشة حتى هي تاتيقم و تتنشر حتى يكرموو خاصو يكرم باش مايدودش من بعد يتقطع رقيق
و نزييدوو ليه العطرية مرة أخري و الخل و يتعرك مزيان حتى نقادروو نشاكلوو كرات و الكرشة تترطب في الخل حتى ترطاب تتقطع حسب حجم الكرات و الصور كاتوضح ملي نكملووه
via احدث الالعاب على Lala Fatima مجلة لالة فاطمة مجلة المرأة المغربية ومغاربية
ليست هناك تعليقات:
إرسال تعليق