4 بيضات كاس سنيدة كاس معامرش زيت (ممكن تخلطو زيت و زبدة) دانون فاني 1/2 معلقة صغيرة سكنجبير 1/2 معلقة صغيرة قرفة 2 خمارات 2 كيسان و نصف طحين المهم على حسب الخليط تفاحة كبيرة محكوكة انا ماكانش عندي تفاح درت اجاصة زلافة من الفواكه الجافة مقطعين انا استعملت لي متوفر عندي (اللوز – كركاع – تمر) بالنسبة للوز و الكركاع نحمروهم شوية فوق المقلة طريقة تحضير كيكة بالتفاح ودانون بالصور بحال أي كيكة عادية كنطربو بالطراب الكهربائي البيض و السنيدة مع قريصة الملح وكنزيدو الزيت+دانون كنزيدو الفواكه الجافة و الطحين مخلط مع القرفة و سكنجبير و الخميرة,كنكبو الخليط فالمول انا استعملت مول كبير باش تجيني فالقياس لي فالصورة كنزيدو من الفوق التفاح المحكوك التفاح متحكوه حتا تبغيو تخلطو الكيكة بالنسبة للتزيين انا درت اللوز ايفيلي و رشيت عليه فاني و شوية سنيدة ممكن تستعملي اللوز مهرمش بقشورو تيجي معلك أو ممكن تخليها حتا طيب و دهنيها بالناباج أو كونفتير و ترشي السكر الصقيل المهم التزيين تيبقى على ذوقكvia احدث الالعاب على Lala Fatima مجلة لالة فاطمة مجلة المرأة المغربية ومغاربية
ليست هناك تعليقات:
إرسال تعليق