السلام عليكم .. موضوعنا اليوم هو موضوع جدا مهم ,,, وهو كيفية التمييز بين الملابس المناسبة والملابس الي ممكن تكون مناسبة النا!!! هذا تساؤل جدا مهم وكثير ما نسمع اصحاب محلات الملابس يرددون عباره ( باللبس يطلع احلى ___ لبسيه وشوفي شلون يطلع حلو ) وفعلا انلاحظ كثير من الازياء الي نلبسها بغرفة القياس تكون اقل جمال من وهي معروضة بالمحل هذه النقطة جدا مهمة فكثير من الاشخاص نشوفهم لابسين ازياء جدا راقية لكن ممناسبتهم وخالتهم يطلعون بطلة اقل جمال واناقة . والعكس صحيح واحنا اليوم هدفنا ان نكون من الفئة الثانية ,, الي هي اشخاص لابسين ملابس عادية لكن مظهرهم انيق جدا وراقي جدا .لان الجمال والاناقة مو شرط بالازياء الماركة والانيقة والعصرية جدا *** النصائح الي ممكن تتوجه بهذا الموضوع هي انك لازم تاخذين بعين الاعتبار اي قطعة تشوفيها بمحل او بعرض ازياء او بمجلة لون وشكل وحجم جسمك انتي مو العارضة مثلا اذا كان لونك اسمر لازم تبتعدين عن الالوان الفاقعة " مع انه ظهرت بالاوان الاخيرة موضة البنات السمر والسود يلبسون الالوان فاقعة " لكن هذه الموضة تحتاج جرأة وتحتاج منج تكسرين حاجز نظرة المجتمع . ايضا لازم تنتبهين على نقطة شكل جسمك واي من القصات الي تناسبه وتظهره بمظهر راقي ؟ وما هي المناطق الجميلة بجمسك ؟ والي ممكن تبرزيها بحسب حدود المجتمع ؟ ما هي المناطق الي تتجنبين ابرازها ؟ اشكد طول جسمك ؟ وهل تحبين تظهرين بمظهر اطول ام لا ؟ كل هذه التساؤلات وغيرها يجب الاجابة عليها بشكل واضح قبل شراء اي قطعة ... بلاضافة الي نوع الخامة , نوع تخطيط القماش , مع تطريز ام لا , بالاضافة الي كصة القطعة كل هذه العناصر تأثر على مظهرك العام ولازم تركزين كل التركيز عليها وانتي بغرفة القياس لان صاحب المحل و مصمم الازياء يعرض القطعة على اساس جسم عارضة او موديل ثابت (stander) "وايضا يعرض القطعة على اساس اصغر واجمل قياس "نوع من انواع خداع البصر لاجل جذب الانتباه وحصول عل زبائن اكثر ونسبة مشاهدة اكثر ,, لذلك المطلوب منك ان تختارين القطع على قياساتك انتي وليس على القياسات الي بفرضها عليك المصمم.via احدث الالعاب على Lala Fatima مجلة لالة فاطمة مجلة المرأة المغربية ومغاربية
ليست هناك تعليقات:
إرسال تعليق