سلام عليكم زوار موقع ماي سيت الشهير انا من المتتبعات لهاد الموقع و كا نحاول ديما نصح الناس اللي عندهم مشاكل بلاما نحكم عليهم حيث كل واحد و ضروفه .
بغيت النصائح ديالكم بدون تجريح الله يخليكم حفاظا على مشاعري فنحن قبل كل شيئ اخوة في الاسلام و الحمد لله رب العالمين.
المهم بلا ما نطول عليكم ز
انا بنت من مدينة مراكش الحمراء في عمري 24 سنة ، على قدر من الجمال الحمد لله بشهادة القريب و البعيد ليس افتخارا مني و لكن الله جميل يحب الجمال،متبرجة لكني كا ندير الفولار قصدت بالتبرج اني لا البس حجابا شرعي ،حاصلة على دبلوم في تنمية المعلوميات تطوير التطبيقات و المواقع و اشتغل الحمد لله في وكالة يمنية للسياحة و الاسفار بمدينتي براتب جيد اعيل به نفسي و عائلتي.
مشكلتي تكمن في اني لا اثق في الجنس الاخر نهائيا ، لاسباب عدة و لما صادفته في حياتي من اشخاص كان هدفهم اللهو فقط او بمعنى اخر افراغ شهوة و غريزة ،لما اتصف به من جادبية و شخصية مرحة و محبوبة فيظن الجميع انني فتاة ساقطة لاني اعيش حياتي ببساطة و اخدها بمحمل من البساطة اي ضاربة الدنيا بركلة كيفما كيقولو لكم ديما كنصادف سوء فهم من الجنس الاخر اللي كيبغيو يكتشفو الجسد ديالي ظما منهم انني فتاة متحررة من جميع القيود لكن بداخلي فتاة محافظة حريتها تنتهي عند المساس بحرية الاخرين و المساس بكرامتي هكذا انا ليس ذنبي انني فتاة مرحة و لكن ذنب العقليلت التي صادفتها في حياتي.
المهم بحال اي بنت عازبة كنحس براسي في حاجة ماسة الى الجنس الاخر و ما كرهتش بطريقة شرعية و الحلال يغني عن الحرام لمن دون جدوى اللي صادفتو كيبغي الجسم ديالي،عييت من هاد الوضع نهدر مع شي حد نهار و تنتهي العلاقة و هكذا حتى فقجت المل و ركزت كل اهتمامي في الخدمة ديالي و راسي منخرج مع البنات و ندور و ما حارمة راسي من حتى حاجة مي بيني و بين نفسي كيبقا فيا الحال البنات كنقول واش مكتوبة في الجبهة ديالي عاهرة و سمحو ليا على هاد اللفظ و لكنها حقيقة مرة كتدمرني.
المهم دازت اليام و انا سادة باب العلاقات نهائيا عندي اصدقاء من مدن عديدة كنهدرو كنتناقشو كنهدرو عبر الهاتف كنتلاقاو مرا مرا كناقش معاهم هاد النقطة و كيقولو لي نتي بنت كيتمناك اي حد غير صبري دبا يجيك ولد الناس اللي تمناي.
هاد ليامات تعرفت على شاب 27 سنة من موقع تواصل اجتماعي لينكد اين داخلة ليه كنشكل ريزو بروفيسيونيل بحك العمل ديالي ،صراحة خديت الامر في الاول عادي ،تبادلنا الصور و رقم الهاتف و تواصلنا مدة شهر تقريبا و ماشي بزاف ناقشنا مواضيع كثيرة مي انا قلبي مطرقاه و لايحة الساروت في بئر.
كنتفاجئ بالسيد كيطلب مني نتلاقاو بحكم هو خدام في مدينتي ،خدمة في القطاع الخاص ما علينا انا ما همنيش هادشي.
تلاقينا و عجبنا بعضياتنا بزاف قاللي نتي اللي بغيت و انا ترددت في الاول و عطيت راسي فرصة نفكر و رديت عليه ايجابيا بحكم شخصيته زوينة و رتاحيت ليه البنات.
صافي تصاحبنا بهاد المعنى هادي 3 مرات اللي شفتو فيها .
المشكل هاد السيد بالرغم من الاحترام اللي كيحترمني متفتح بزاف و انا خايفة البنات مبغيتش ندير شي حاجة اللي تقلل من قيمتي و تنقص من كرامتي قدامه بحال يشد ليا ادي و نتسالمو بالحناك اولا نمشيو في الطريق معانقين اولا يبوسني و سمحو ليا على هاد التفاصيل انا عفوية و كنقول اللي كاين حيت علاقة بين 2 كنسمع كيكون فيها العجب و انا كنخاف من الله سبحانه و ما بيتش نطيح في الحرام و في نفس الوقت ما بغيتش نضلم هاد الشاب معايا و نعيشو في وهم او هو يعيشني في وهم انا ما خاصني اوهام اصحاباتي انا واقعية و اللي نبغيه لولد الناس نبغيه لخويا .
خايفة بزاف البنات واخا وافقت نربطو علاقة و ملي كنكون معاه مرتاحة مي دائما كنخدم عقلي و كنوزن شنو كنخرج من فمي و هاد النقط ناقشتهم معاه و قلت ليه انا مثقفة الحمد لله و كنقرا مشاكل و كنصح الناس ما بغيتش يجي شي نهار و نوللي ضحية اولا نولي بدون كرامة.
انا الصراحة هاد الشاب عجبني شكلا و مضمونا و لكن قاللي ها حنا مصاحبين بنية الزواج مي خلعني بواحد الكلمة ان الزواج قسمة و نصيب و تيسير من الله و انا خفت البنات نبقا عايشة وهم و في الاخير نفيق على واقع مر و نتزوج بشخص اخر نضلمو معايا و غايكون خدا مرا كانت تمشي مع شخص اخرو غير عفيفة نسبيا حيث انا عارفة بيلا شرف البنت غير منحصر في البكارة كيف تيضنو الناس بل هو اكثر من ذلك اخلاق و ادب و غفت بغض النضر عن بقعة من الدم.
باش كتنصحوني البنات و حتى الجال قولو كلمة حق لفائدة اختكم في الاسلام و اللي تبغيوه ليا بغيوه لخوتكم و سمحو ليا لا طولت عليك راني حائرة و افكاري مشتتة و محلطين فيا كل المشاعر و كنقلب على الاستقرار ة الحلال ثم الحلال .
from موقعي للمرأة المغربية http://www.mysite.ma/archives/52554
via IFTTT
ليست هناك تعليقات:
إرسال تعليق