السلام عليكم , انا بنت عندي 22 سنة ممزوجاش يتيمة الام ساكنة معنا موت بابا حيت معندهاش لولاد غير بابا هي مرا كبيرة في السن غتسطيني, دراري صغار او عندهم لعقل عليها مخليت مدرت معها كدير شي تصرفات الله يسمح ليا كنبقا نغوت عليها بزاااف او بعد المرات كنبدى نبكي بوحدي كبقا فيا الحال علاش غوت علييها نصحوني اش ندير او كيفاش نتصرف سمحوليا الى طولت علييكم بغييتكم غير تكولو ليا كفاش نتصرف معها وصلات لدرجة ولات تمشي عند الجيران اوكتكوول ليهم راه كدربتني وانا والله مكنحط عليها يدي كنغوت عليها صافي مهليا فيها كنعومها مكنبغييش نخلييها بجوع اوهدشي كامل مكانتسنى منها حتى مقابل ولكن راه كتبدى تخترع فشي كدووب لي بعقلو ميطيحوش عليييه اوكتكولهم للناس وانا كنحشم وخا الجيران عرفينها مرا كبيرا مكيديوش عليها ولكن انا كيبقا فيا الحال ملي مكنبغبش نغوت عليها او ربي اللي شاهد عليا مرضت بالعصاب في المصاارن بسباب داك لغوات عفاكم نصحوني اش نديير كنحس براسي كبارت قبل من الوقت محيلتي المسؤولية ديال الدار ولا لجداتي ولا لقرايتي وليت مكثرة المشاكل معها مبقيتش كنديها فراسي مبقيتش كنحس براسي بنت كيف كاع لبنات , نصحوني عفاااكم
from موقعي للمرأة المغربية http://www.mysite.ma/archives/52538
via IFTTT
ليست هناك تعليقات:
إرسال تعليق